Psa 123 | TwiNAK | STEP | Awurade , wo na mehwɛ wo, ɛne ɔsoro a wudi so hene no.

Psalms 123

Mmɔborɔhunu mpaebɔ

1 Awurade, wo na mehwɛ wo, ɛne ɔsoro a wudi so hene no.
2 Sɛnea akoa dan ne wura no, saa ara na afenaa dan nʼawuraa; enti yɛbɛkɔ so ahwɛ wo,
O Awurade, yɛn Nyankopɔn, kosi sɛ wubehu yɛn mmɔbɔ.
3 Hu yɛn mmɔbɔ,
Awurade, hu yɛn mmɔbɔ; wɔagu yɛn anim ase ama aboro so.
4 Adefo adi yɛn ho fɛw akyɛ dodo, na ahantanfo nso ahyɛ yɛn so akyɛ.